Oktyabr oyida bo‘lishi rejalashtirilgan futzal bo‘yicha Osiyo chempionati-2020 saralash bahslariga hozirlik ko‘rayotgan O‘zbekiston milliy terma jamoasi poytaxtimizda yig‘in o‘tkazayotganidan xabaringiz bor.

Terma jamoamiz yig‘in doirasida 2 ta nazorat uchrashuvi o‘tkazadi. Har ikki o‘yinda ham terma jamoamizga qo‘shni Qirg‘izistonning yetakchi klubi – EREM raqiblik qiladi.

Bugun dastlabki bahs “Bunyodkor” akademiyasi zalida tashkil etildi. Qiziqarli tarzda kechgan o‘yinda Bahodir Ahmedov ushbu yig‘inga jalb etilgan barcha 18 nafar futzalchini sinab ko‘rdi. Yakunda vakillarimiz 6:5 hisobida g‘alaba qozonishdi.

O‘zbekiston m.t.j.  – EREM (Qirg‘iziston) 6:5
Gollar: Abdulla Solihov, Xushnur Erkinov (2), Ravshan Ismatullayev, Botir Rizayev, Sunnat Jo‘rayev – Muhsin Bashir (2), Yuldashbay Salimbayev, Saginndik Akimbayev, Beksultan Nazarov.