«Los-Anjeles Gelaksi» hujumchisi Zlatan Ibrahimovich MLS doirasida bo‘lib o‘tgan «Los-Anjeles»ga qarshi o‘yinda raqib jamoa futbolchisi Muhammad Munirning yuz suyagini sindirdi.
Havodagi to‘p uchun kurashda shvesiyalik futbolchi raqibining yuziga tirsagi bilan urdi. Keyinchalik amalga oshirilgan tibbiy tekshiruvlar natijasida Munirning yuz suyagi singani ma’lum bo‘ldi. Ma’lumotlarga qaraganda, jarohat olgan futbolchining yuzi operasiya qilinadi va u mavsum oxiriga qadar maydonga tusha olmaydi.
Hakamlar bu vaziyatni e’tibordan qochirishdi. Zlatan esa mazkur o‘yinda xet-trikka erishdi. Ibrahimovich uzoq muddatga diskvalifikasiya qilinishi mumkin.
