«Лос-Анжелес Гэлакси» ҳужумчиси Златан Ибраҳимович MLS доирасида бўлиб ўтган «Лос-Анжелес»га қарши ўйинда рақиб жамоа футболчиси Муҳаммад Мунирнинг юз суягини синдирди.
Ҳаводаги тўп учун курашда швециялик футболчи рақибининг юзига тирсаги билан урди. Кейинчалик амалга оширилган тиббий текширувлар натижасида Мунирнинг юз суяги сингани маълум бўлди. Маълумотларга қараганда, жароҳат олган футболчининг юзи операция қилинади ва у мавсум охирига қадар майдонга туша олмайди.
Ҳакамлар бу вазиятни эътибордан қочиришди. Златан эса мазкур ўйинда хет-трикка эришди. Ибраҳимович узоқ муддатга дисквалификация қилиниши мумкин.
