Lyuk Shou o‘tgan mavsumda Ser Mett Basbi mukofotiga sazovor bo‘lib, "Manchester Yunayted"ning eng yaxshi o‘yinchisi bo‘lgan edi.
Angliyalik futbolchining fikricha, o‘tgan mavsum juda og‘ir bo‘lgan.
"O‘tgan mavsum qiyinchiliklarga boy bo‘ldi. Ta’tilni o‘tkazish juda qiyin edi. Chempionlar Ligasi va Evropa Ligasi finallari ingliz jamoalaridan tashkil topdi", - deya ESPN nashri ingliz futbolchisining so‘zlarini keltirdi.
"Menimcha, endi bizda yangicha fikrlash uslubi bor. Biz "Manchester Yunayted "ni kerak bo‘lgan joyga qaytarishga harakat qilmoqdamiz", deb qo‘shimcha qildi Lyuk Shou.
