Bugun Coca Cola Superligasining 14-turi doirasidagi "So‘g‘diyona" - "Lokomotiv" uchrashuvi bo‘lib o‘tadi.

20:00da boshlanadigan uchrashuv qiziqarli va murosasiz kechishi shubxasiz. Shu o‘rinda ushbu ikki jamoaning o‘zaro uchrashuvlari tarixiga e’tibor qaratadigan bo‘lsak, “Lokomotiv” shu paytga qadar “So‘g‘diyona”ga qarshi 23ta bahs o‘tkazgan. O‘zaro o‘yinlarda katta ustunlik toshkentliklar tomonida. "Lokomotiv" 17 marta g‘alabaga erishgan bo‘lsa, 4 o‘yinda kuchlar teng kelgan. Jizzaxliklar 2 bora "temiryo’lchilar"ni mag‘lub etishni uddalagan holos.

“Loko” futbolchilari ushbu raqib darvozasini hozirgacha 56 marta ishg‘ol etishga muvaffaq bo‘lishgan. Darvozamizdan esa 11 bor to‘p o‘tkazib yuborganmiz.

“Lokomotiv”ning “So‘g‘diyona” ustidan qozongan eng yirik hisobdagi g‘alabasi 2015 yilgi mavsum ikkinchi davrasida qayd etilgan – 7:0.

Ushbu jamoalar o‘rtasidagi ilk o‘yinda "Lokomotiv" 2:0 hisobida g‘alabaga erishgandi. Yodingizda bo‘lsa, "Lokomotiv" stadionida o‘tgan bahsning 88 va 89 daqiqalarida Sardor Mirzayev hamda Jamshid Iskanderov raqib darvozasini ishg‘ol qilib, jamoaga g‘alaba keltirgandi