Бугун Cоcа Cола Суперлигасининг 14-тури доирасидаги "Сўғдиёна" - "Локомотив" учрашуви бўлиб ўтади.

20:00да бошланадиган учрашув қизиқарли ва муросасиз кечиши шубхасиз. Шу ўринда ушбу икки жамоанинг ўзаро учрашувлари тарихига эътибор қаратадиган бўлсак, “Локомотив” шу пайтга қадар “Сўғдиёна”га қарши 23та баҳс ўтказган. Ўзаро ўйинларда катта устунлик тошкентликлар томонида. "Локомотив" 17 марта ғалабага эришган бўлса, 4 ўйинда кучлар тенг келган. Жиззахликлар 2 бора "темирёълчилар"ни мағлуб этишни уддалаган ҳолос.

“Локо” футболчилари ушбу рақиб дарвозасини ҳозиргача 56 марта ишғол этишга муваффақ бўлишган. Дарвозамиздан эса 11 бор тўп ўтказиб юборганмиз.

“Локомотив”нинг “Сўғдиёна” устидан қозонган энг йирик ҳисобдаги ғалабаси 2015 йилги мавсум иккинчи даврасида қайд этилган – 7:0.

Ушбу жамоалар ўртасидаги илк ўйинда "Локомотив" 2:0 ҳисобида ғалабага эришганди. Йодингизда бўлса, "Локомотив" стадионида ўтган баҳснинг 88 ва 89 дақиқаларида Сардор Мирзаев ҳамда Жамшид Искандеров рақиб дарвозасини ишғол қилиб, жамоага ғалаба келтирганди