UYEFA 2018/19 mavsumning eng yaxshi goli sovriniga nomzod 10ta golni tanlab oldi.

Yakunlangan mavsumda klublar va terma jamoalari ishtirokidagi o‘yinlarda urilgan gollar inobatga olindi. Top-10ga Lionel Messi va Krishtianu Ronalduning gollari ham kiritildi.

Ro‘yxatga kiritilgan gollar (top-10):

Danilu, Yevro-2020 saralash, Portugaliya – Serbiya (1:1);

David Faupala, Yevropa ligasi, «Apollon» – «Lasio» (2:0);

Lionel Messi, YECHL, «Barselona» – «Liverpul» (3:0);

Enso Miyo, Yevro-2019 U-17, Fransiya — Chexiya (6:1);

Nani, Yevropa ligasi, «Qorabog‘» — «Sporting» (1:6);

Pedro, Yevropa ligasi, «Chelsi» – «Slaviya» (4:3);

Ivan Rakitich, YECHL, «Tottenxem» – «Barselona» (2:4);

Krishtianu Ronaldu, YECHL, «Yuventus» – «Manchester Yunayted» (1:2);

Ismaila Sarr, Yevropa ligasi, «Renn» – «Yablones» (2:1);

Katerjina Svitkova, Ayollar o‘rtasida YECHL, «Slaviya» – «Bavariya» (1:1).

O‘tgan mavsumda mazkur sovrinni Krishtianu Ronaldu qo‘lga kiritgan edi (ECHLning chorak finalida «Yuventus» darvozasiga urilgan gol).

UYEFA rasmiy sayti orqali o‘zingizga yoqqan golga ovoz berishingiz mumkin. So‘rovnoma 9 avgust kuni yakuniga yetadi.