Bugun «Bunyodkor» yana bir futbolchi bilan shartnoma imzoladi.

So‘nggi ikki mavsumni Janubiy Koreyada o‘tkazgan yarim himoyachi Shohruh Gadoyev «Bunyodkor» a’zosiga aylandi. O‘zbekistondagi oxirgi klubi aynan «Bunyodkor» bo‘lgan Shohruh yana jamoamiz libosida to‘p suradi. Bugun Gadoyev bilan bog‘liq hujjat ishlari rasmiylashtirildi. Umid qilamizki, Gadoyev o‘zining ajoyib o‘yinlari bilan «Bunyodkor»ning g‘alabalariga munosib hissa qo‘shadi.

Eslatib o‘tamiz, O‘zbekiston transfer oynasi 5 avgust kuni yopiladi. «Bunyodkor»dan yangilik kutishda davom eting.

MA’LUMOT UCHUN
SHOHRUH GADOYEV
Tug‘ilgan sanasi: 31.12.1991
Ampluasi: yarim himoyachi, vinger
Bo‘yi: 174sm. Vazni: 68kg
Futbolchilik faoliyati
«Nasaf» - 2012-2015 yillar
«Muharraq» (Bahrayn) – 2015-2016 yillar
«Bunyodkor» - 2016 yil
«Buxoro» - 2017 yil
«Bunyodkor» - 2017 yil
«Tejon Sitizen» (Janubiy Koreya) – 2018-2019 yillar