Bolgariyaning Sofiya shahrida sport kurashlari bo‘yicha o‘smirlar o‘rtasidagi jahon chempionati davom etadi. Bugun qizlar kurashi bo‘yicha ikkinchi kun bellashuvlari bo‘lib o‘tadi.
Kecha o‘tkazilgan bahslar yakuniga ko‘ra, ikki nafar vakilimiz Dilshoda Matnazarova (-49 kg) hamda Rushana Abdurasulova (-65 kg) bronza medali uchun kurashish imkoniyatini saqlab qolishgan. Ularning medal yo‘lidagi raqibi kechki dasturda aniq bo‘ladi.
Shuningdek, bugun ham bir qator vazn toifalarida bellashuvlar davom ettiriladi. Qur’aga ko‘ra qizlarimiz birinchi bahsni quyidagi raqibalariga qarshi boshlashadi:
-40 kg: Mushtariy Tolipbekova – Yelizaveta Ivanova (Rossiya)
-46 kg: Sitora Tolipbekova – Siriya Perrone (Italiya)
-61 kg: Layloxon Sobirova – Sofi Teneva (Bolgariya)
