Tailand poytaxti Bangkok shahrida bo‘lib o‘tayotgan klublar o‘rtasidagi Osiyo chempionati doirasida AGMK Iroqning "Naft al-Vasat" klubi bilan bellashdi.

Ikkinchi tur doirasidagi mazkur o‘yinda dastlab raqiblar hisobni ochuvchi golga mualliflik qilishgandi. Biroq oradan ko‘p o‘tmasdanoq javob to‘pini yo‘llagan Ropiyev uchrashuv davomida yana ikkita gol urib, bahsda o‘z xet-trigini nishonladi.

Shuningdek, Rahmatov va Nishonov ham o‘yin davomida o‘z nomlarini tabloga yozdirib qo‘yishga muvaffaq bo‘lishdi. Bellashuv so‘nggida esa iroqliklar yana ikkita javob to‘pini yo‘llashdi. Biroq bu gollar ularni mag‘lubiyatdan qutqarib qolish uchun yetarli bo‘lmadi. Shu tariqa, Aleksandr Petrov boshchiligidagi jamoa musobaqaning "B" guruhi 2-tur doirasidagi o‘yinni o‘z foydasiga hal etdi.

Mazkur g‘alaba ahamiyati yuqoriligi sababi, bu AGMKning Osiyo chempionatlaridagi dastlabki yutug‘iga aylandi. Endi olmaliqlik 11 avgust kuni guruhdagi uchinchi raqib — Qatarning "Al Rayyan" jamoasi bilan bellashadi. Aynan mazkur uchrashuvda guruhdan chiqish masalasi hal etiladi.

Futzal. Klublar o‘rtasidagi Osiyo chempionati
"B" guruhi, 2-tur
09.08.2019, 10:00
AGMK — "Naft al-Vasat" 5:3
Gollar: I.Ropiyev 14, 25, 31, H.Nishonov 39 A.Rahmatov 29 - Angellot 13, 40, G.Riyad 40
AGMK — 1.Rustam Umarov (sardor), 2.Abbosbek O‘lmasbekov (darvozabon),4.Ixtiyor Ropiyev, 5.Ilhomjon Hamroyev, 6.Husniddin Nishonov, 7.Dilshod Rahmatov, 8.Davron Valijonov, 10.Akbar Usmonov, 12.Davron Choriyev, 14.Anasxon Rahmatov.9.Alan Aminov, 11.Temur Berdiyev, 13.Islombek Biyto‘rayev.12.Davron Choriyev, 14.Anasxon Rahmatov.
Bosh murabbiy: Aleksandr Petrov.
"Naft al-Vasat" — 1.YAhyo Abdulnur Rahim (darvozabon), 12.Omar Sabti (darvozabon), 6.Abdulkadxim (darvozabon), 2.Muheb Alden, 3.Majid, 4.Tareq, 5.Hasan, 7.Salim Faysal, 8.Fahad, 9.Valid Xalid, 10.Angellot, 11.Husam Sabti, 13.Farhad Tavakkoliy, 14.Gait Riyad.
Bosh murabbiy: Haytam Abbos.