Angliya premyer-ligasining yangi mavsumi start oldi. O‘tgan mavsum vise-chempioni — " Liverpul" o‘z maydonida "Norvich"ni qabul qilib, yirik hisobda g‘alaba qozondi.

Mersisaydliklar tanaffusga qadar o‘yin taqdirini hal qilib qo‘yishdi. Mavsumning dastlabki golini mehmonlar futbolchisi Grant Xenli o‘z darvozasiga urgan bo‘lsa, oradan ko‘p o‘tmasdan Muhammad Saloh, Virjil van Deyk va Divok Origi o‘z hisoblariga bittadan gol yozishdi. "Norvich" ikkinchi bo‘lim o‘rtalarida bitta to‘p kiritdi, xolos.

Shu tariqa, Yurgen Klopp shogirdlari yirik hisobda g‘alaba qozonib, 3 ochkoni o‘z hisoblariga qo‘shib qo‘yishdi.

Angliya premyer-ligasi, 1-tur
Liverpul – Norvich 4:1 (4:0, 0:1)
Gollar: 1:0 – 7, avtogol Xenli, 2:0 – 19 Saloh, 3:0 – 28 van Deyk, 4:0 – 42 Origi, 4:1 – 64 Pukki.
Liverpul – Alisson (Adrian, 39), Aleksander-Arnold, Gomes, van Deyk, Robertson, Xenderson, Fabinyo, Veynaldum, Saloh, Firmino (Milner, 86), Origi (Mane, 74).
Norvich – Krul, Aarons, Xenli, Godfri, Lyuis, Maklin, Tribull (Ernandes, 70), Buendia, Shtipermann (Lyaytner, 58), Kentuell, Pukki (Drmich, 83).
Ogohlantirishlar: Lyaytner (60), Buendia (65).