Англия премьер-лигасининг янги мавсуми старт олди. Ўтган мавсум вице-чемпиони — " Ливерпуль" ўз майдонида "Норвич"ни қабул қилиб, йирик ҳисобда ғалаба қозонди.

Мерсисайдликлар танаффусга қадар ўйин тақдирини ҳал қилиб қўйишди. Мавсумнинг дастлабки голини меҳмонлар футболчиси Грант Хэнли ўз дарвозасига урган бўлса, орадан кўп ўтмасдан Муҳаммад Салоҳ, Виржил ван Дейк ва Дивок Ориги ўз ҳисобларига биттадан гол ёзишди. "Норвич" иккинчи бўлим ўрталарида битта тўп киритди, холос.

Шу тариқа, Юрген Клопп шогирдлари йирик ҳисобда ғалаба қозониб, 3 очкони ўз ҳисобларига қўшиб қўйишди.

Англия премьер-лигаси, 1-тур
Ливерпуль – Норвич 4:1 (4:0, 0:1)
Голлар: 1:0 – 7, автогол Хэнли, 2:0 – 19 Салоҳ, 3:0 – 28 ван Дейк, 4:0 – 42 Ориги, 4:1 – 64 Пукки.
Ливерпуль – Алиссон (Адриан, 39), Александер-Арнолд, Гомес, ван Дейк, Робертсон, Хендерсон, Фабиньо, Вейналдум, Салоҳ, Фирмино (Милнер, 86), Ориги (Мане, 74).
Норвич – Крул, Ааронс, Хэнли, Годфри, Льюис, Маклин, Трибулл (Эрнандес, 70), Буэндиа, Штиперманн (Ляйтнер, 58), Кэнтуэлл, Пукки (Дрмич, 83).
Огоҳлантиришлар: Ляйтнер (60), Буэндиа (65).