Superliga 16-turidan o‘rin olgan "Nasaf" - "Bunyodkor" (3:1) uchrashuvidan so‘ng qarshiliklar ustozi Ro‘ziqul Berdiyev uchrashuv haqida o‘z fikrlarini bildirib o‘tdi.

"Avvalambor, bugungi bayram bilan barcha yurtdoshlarimizni tabriklayman. O‘yin haqida gapiradigan bo‘lsam, uchrashuv bizning nazoratimiz ostida o‘tdi. Birinchi bo‘limda raqib jarima maydonchasi yonida pressing qo‘llab ularni xato qilishga majbur qildik. Birinchi bo‘limda bitta gol urgan bo‘lsak-da ko‘p golli vaziyatlarga ega bo‘ldik. Pressingda ko‘p kuch yo‘qotganligimiz tufayli ikkinchi bo‘limda himoyaga ko‘proq e’tibor qaratdik. “Bunyodkor”jamoasini yaxshi o‘rgangan edik va ularga erkin harakat qilishga imkon bermadik. O‘zingizga ma’lum, raqibimiz to‘p bilan yaxshi harakat qiladi. Yigitlarga raqibimiz fitbolchilarini imkon boricha to‘psiz qoldirishni va ularga bosim o‘tkazishni tayinlagan edim. Futbolchilarimiz berilgan ko‘rsatmalarni bajarishdi. Barchani g‘alaba bilan tabriklayman. Yigitlarga va muxlislarimizga minnatdorchilik bildiraman.

Bobur Abduxoliqov gol urishni biladi. Bugun u vaziyatdan unumli foydalandi. O‘ylaymanki, uning bugungi gol unga keyingi o‘yinlarda ham yordam beradi", — dedi Ro‘ziqul Berdiyev.