"Barselona" hujumchisi Luis Suares bugun ertalab tibbiy ko‘rikdan o‘tdi. Urugvaylik futbolchi kecha bo‘lib o‘tgan "Atletik"ga qarshi o‘yinda jarohat olgan edi.
"Ko‘k-anorranglilar" rasmiy sayti tarqatgan xabarga ko‘ra, urugvaylik futbolchining boldir mushagi lat yegani aniq bo‘ldi. 32 yoshli futbolchining tiklanishi uchun qancha vaqt ketishi haqida ma’lumot berilmadi. Faqat Luisning sog‘ayishi davolanish jarayoniga bog‘liq ekani aytildi.