«Inter» klubining yangi futbolchisi Romelu Lukaku hozirda ortiqcha vaznga ega bo‘lgani uchun A seriyaning 1-turi doirasida bo‘ladigan «Lechche»ga qarshi o‘yinda maydonga tushmasligi mumkinligi haqida xabar tarqalgandi.

Shundan so‘ng belgiyalik futbolchi o‘zining qorin qismida "press"ini suratga tushib, Instagramdagi sahifasiga qo‘ydi va unga: «Semiz odam uchun yomon emas», – deya imzo chekdi.

Eslatib o‘tamiz, «Inter» Lukakuni 65 million yevro evaziga «MYU»dan sotib olib, o‘z tarixida rekord transferni amalga oshirgan edi.