«Интер» клубининг янги футболчиси Ромелу Лукаку ҳозирда ортиқча вазнга эга бўлгани учун А сериянинг 1-тури доирасида бўладиган «Лечче»га қарши ўйинда майдонга тушмаслиги мумкинлиги ҳақида хабар тарқалганди.
Шундан сўнг бельгиялик футболчи ўзининг қорин қисмида "пресс"ини суратга тушиб, Инстаграмдаги саҳифасига қўйди ва унга: «Семиз одам учун ёмон эмас», – дея имзо чекди.
Эслатиб ўтамиз, «Интер» Лукакуни 65 миллион евро эвазига «МЮ»дан сотиб олиб, ўз тарихида рекорд трансферни амалга оширган эди.
