Joriy yilning 26-30 avgust kunlari Buxoro viloyatida viloyat o‘rtasida jamoaviy O‘zbekiston kubogi bo‘lib o‘tadi.
10-12-14-16 yoshgacha bo‘lgan o‘smirlardan iborat viloyat jamoalari o‘rtasida o‘tkaziladigan ushbu musobaqada, Qoraqalpog‘iston Respublikasi, viloyatlar va Toshkent shaxrining eng iqtidorli shaxmatchilardan iborat jamoalar qatnashishadi.
7-turdan iborat turnir, shveysarcha tizimda o‘tkaziladi. Musobaqada elektron soatlardan foydalaniladi va har bir ishtirokchiga o‘yin oxiriga qadar, 90 daqiqadan vaqt beriladi.
Musobaqa 2019 yilning 26-30 avgust kunlari Buxoro viloyati, Buxoro tumani, Rabotiqalmoq MFY, Dehoji ko‘chasida joylashgan “Lazzat” restorani binosida o‘tkaziladi.
Har bir jamoa uchun badal miqdori 500 000 so‘mni tashkil qiladi.
O‘zbekiston Shaxmat federasiyasi matbuot xizmatining xabariga ko‘ra, mukofot jamg‘armasi 12.000.000 so‘mni tashkil qiladigan O‘zbekiston kubogida, 1-o‘rin uchun 4.000.000 so‘m, 2-o‘rin uchun 3.200.000 so‘m, 3-o‘rin uchun 2.800.000 so‘mni jamoalar qo‘lga kiritishi mumkin.
