Жорий йилнинг 26-30 август кунлари Бухоро вилоятида вилоят ўртасида жамоавий Ўзбекистон кубоги бўлиб ўтади.

10-12-14-16 ёшгача бўлган ўсмирлардан иборат вилоят жамоалари ўртасида ўтказиладиган ушбу мусобақада, Қорақалпоғистон Республикаси, вилоятлар ва Тошкент шахрининг энг иқтидорли шахматчилардан иборат жамоалар қатнашишади.

7-турдан иборат турнир, швейцарча тизимда ўтказилади. Мусобақада электрон соатлардан фойдаланилади ва ҳар бир иштирокчига ўйин охирига қадар, 90 дақиқадан вақт берилади.

Мусобақа 2019 йилнинг 26-30 август кунлари Бухоро вилояти, Бухоро тумани, Работиқалмоқ МФЙ, Деҳожи кўчасида жойлашган “Лаззат” ресторани биносида ўтказилади.

Ҳар бир жамоа учун бадал миқдори 500 000 сўмни ташкил қилади.

Ўзбекистон Шахмат федерацияси матбуот хизматининг хабарига кўра, мукофот жамғармаси 12.000.000 сўмни ташкил қиладиган Ўзбекистон кубогида, 1-ўрин учун 4.000.000 сўм, 2-ўрин учун 3.200.000 сўм, 3-ўрин учун 2.800.000 сўмни жамоалар қўлга киритиши мумкин.