"Barselona" hujumchisi Lionel Messi jarohatidan forig‘ bo‘lmoqda.
Argentinalik futbolchi bugun, seshanba kungi mashg‘ulotlarda ham yakka tartibda shug‘ullandi.
Messi La liganing navbatdagi turida "Betis"ga qarshi o‘yinda qatnashishi ertaga aniq bo‘ladi. Kataloniyaliklar ertaga ikkita mashg‘ulot o‘tkazadilar, agar jamoa sardori ulardan hech birida umumiy guruhga qo‘shilmasa, "Betis"ga qarshi o‘ynamasligi mumkin.
Dastlabki rejalarga ko‘ra, Messi dushanba kuni tiklanishi kerak edi, ammo bunday bo‘lib chiqmadi.