Italiya chempionatining 1-turiga yakun yasaldi. «Inter» o‘z uyida ushbu mavsumda «Lechche»ni qabul qilib, yirik hisobda g‘alaba qozondi.

Mehmonlar 20 daqiqa davomida Konte shogirdlariga jiddiy qarshilik ko‘rsatishdi. Ammo birinchi bo‘limda milanliklar olis masofadan ikkita zarba berib, ikkita gol urishga muvaffaq bo‘ldi.

Ikkinchi bo‘limning 60-daqiqasida darvozabon qaytargan to‘pni darvozaga joylab, hisobdagi farqni 3taga yetkazdi. Oradan ko‘p o‘tmasdan "Lechche" futbolchilari maydonda bitta kam bo‘lib qolishdi. Bahs tugashiga 6 daqiqa qolganida Kandreva "neradzurri"ning to‘rtinchi golini urdi.

Shu tariqa, "Inter" 1-turdan keyin A seriya jadvalida peshqadam bo‘lib oldi.

Italiya chempionati, 1-tur
Inter – Lechche 4:0 (2:0, 2:0)
Gollar: 1:0 – 21 Brozovich, 2:0 – 24 Sensi, 3:0 – 60 Lukaku, 4:0 – 84 Kandreva.
Inter – Xandanovich, D`Ambrozio, Ranokkiya, Shkrinyar, Kandreva, Vesino (Barella, 66), Brozovich, Sensi (Galyardini, 73), Asamoa, Martines (Politano, 78), Lukaku.
Lechche – Gabriel, Rispoli (Benzar, 72), Luchoni, Rossettini, Kalderoni, Petrichchone (Mankozu, 61), Taxsidis, Falko, Mayer, La Mantiya (Farias, 61), Lapadula.
Ogohlantirishlar: Petrichchone (38), Martines (40), Lapadula (52).
Chetlatish: Farias (76).