Италия чемпионатининг 1-турига якун ясалди. «Интер» ўз уйида ушбу мавсумда «Лечче»ни қабул қилиб, йирик ҳисобда ғалаба қозонди.

Меҳмонлар 20 дақиқа давомида Конте шогирдларига жиддий қаршилик кўрсатишди. Аммо биринчи бўлимда миланликлар олис масофадан иккита зарба бериб, иккита гол уришга муваффақ бўлди.

Иккинчи бўлимнинг 60-дақиқасида дарвозабон қайтарган тўпни дарвозага жойлаб, ҳисобдаги фарқни 3тага етказди. Орадан кўп ўтмасдан "Лечче" футболчилари майдонда битта кам бўлиб қолишди. Баҳс тугашига 6 дақиқа қолганида Кандрева "нерадзурри"нинг тўртинчи голини урди.

Шу тариқа, "Интер" 1-турдан кейин А серия жадвалида пешқадам бўлиб олди.

Италия чемпионати, 1-тур
Интер – Лечче 4:0 (2:0, 2:0)
Голлар: 1:0 – 21 Брозович, 2:0 – 24 Сенси, 3:0 – 60 Лукаку, 4:0 – 84 Кандрева.
Интер – Ханданович, Д`Амброзио, Раноккия, Шкриньяр, Кандрева, Весино (Барелла, 66), Брозович, Сенси (Гальярдини, 73), Асамоа, Мартинес (Политано, 78), Лукаку.
Лечче – Габриэл, Рисполи (Бензар, 72), Лучони, Россеттини, Кальдерони, Петриччоне (Манкозу, 61), Тахцидис, Фалько, Маер, Ла Мантия (Фариас, 61), Лападула.
Огоҳлантиришлар: Петриччоне (38), Мартинес (40), Лападула (52).
Четлатиш: Фариас (76).