"Barselona" sardori Lionel Messi Ispaniya chempionatining 3-turi doirasida bo‘ladigan "Osasuna"ga qarshi o‘yinni o‘tkazib yuborishi mumkin.
AS nashri tarqatgan xabarga ko‘ra, "ko‘k-anorranglilar" murabbiylar shtabi o‘z yetakchisining sog‘ligini xavf ostiga qo‘ymoqchi emas. Shu bois, Messi navbatdagi o‘yin uchun qaydnomaga kiritilmaydi.
Eslatib o‘tamiz, argentinalik futbolchi mushagidan olgan jarohatini tiklashda davom etmoqda, ammo u hali umumiy guruh mashg‘ulotlariga qaytmadi.
"Osasuna" - "Barselona" o‘yini 31 avgust, shanba kuni Toshkent vaqti bilan 20:00da boshlanadi.