Xabaringiz bor, sentyabr oyida qit’amizda Jahon chempionati-2022 ikkinchi saralash bosqichi uchrashuvlari start oladi.
Saralash bahslarining “D” guruhidan o‘rin olgan O‘zbekiston milliy terma jamoasi ilk o‘yinini safarda Falastinga qarshi o‘tkazadi.
Ektor Kuper boshchiligidagi O‘zbekiston milliy terma jamoasi mazkur uchrashuvga tayyorgarlik doirasida bugundan poytaxtimizda yig‘in boshladi. Bosh jamoamiz ilk mashg‘ulotini “Jar” stadionining zaxira maydonida o‘tkazdi.
Ilk mashg‘ulotda asosan milliy chempionatimizdan to‘p surayotgan futbolchilar ishtirok etishdi. Legionerlardan faqar Sanjar Shoahmedov mashg‘ulotlarda ishtirok etmoqda. Qolgan xorijda to‘p surayotgan futbolchilarimiz shu kunlarda o‘z klublari safida o‘yinlarini o‘tkazgach milliy jamoamiz ixtiyoriga yetib kelishadi.
Ta’kidlash joiz, bugundan yig‘inga kirishgan terma jamoamiz Toshkentda 3 sentyabrga qadar mashg‘ulotlar olib boradi.
Ertangi kungi mashg‘ulotlar “Chig‘atoy” bazasida soat 20:00da o‘tkaziladi.
