Futbol bo‘yicha O‘zbekiston ayollar milliy terma jamoasi 6-13 sentyabr kunlari qo‘shni Qirg‘izistonning Qorako‘l shahrida o‘tkaziladigan “Umid kubogi-2019” xalqaro musobaqasida ishtirok etishi haqida xabar bergan edik.
Mazkur musobaqa oldidan futbolchi qizlarimiz Toshkentda o‘quv-mashg‘ulot yig‘ini olib borishmoqda. Poytaxtimizdagi yig‘in 27 avgust – 5 sentyabr oralig‘ida tashkil etilmoqda.
Bundan tashqari ushbu yig‘in doirasida 2 ta o‘rtoqlik o‘yini ham o‘tkazildi. Terma jamoamizga Hindiston ayollar milliy terma jamoasi raqiblik qildi. Bugun ushbu jamoalar o‘rtasidagi ikkinchi o‘yin bo‘lib o‘tdi. Unda 1:1 hisobi qayd etildi.
O‘zbekiston – Hindiston 1:1
Gollar: Lyudmila Karachik (82) – Ranganatan (53).
O‘zbekiston: Laylo Tilovova, Tanzila Zarbiyeva, Nilufar Qudratova (Diyoraxon Xabibullayeva, 31 (Sitora Taqaboyeva, 67), Malika Burxonova, Rushaniya Safina (Lianna Norbekova, 41), Maftuna Shoyimova, Soliha Husniddinova, Umida Zoirova, Lyudmila Karachik, Kamila Zaripova, Dildora Nozimova (O‘g‘iloy Qo‘chqorova, 67).
