Jaloliddin Qobiljonov
Terma jamoamiz va Ektor Kuper uchun haqiqiy sinovli kunlar yetib keldi. Umid qilib qolamiz, bugungi o‘yinda terma jamoamiz o‘ziga nisbatan kuchsiz bo‘lgan terma ustidan yirik hisobda g‘alaba qozonadi.
Bugungi o‘yinda Kuper tarkib tanlashda adashmay, qo‘rqmasdan hujumkor tarkibni maydonga tashlaydigan bo‘lsa, albatta ijobiy natija bilan qaytamiz. Menimcha, mana, endi murabbiy katta sahnaga chiqadigan vaqti keldi. Kuper nima uchun terma jamoamizga olib kelinganini isbotlashning ayni vaqti.
Muxlislar terma jamoamizdan g‘alabani kutmoqda va ishonamizki, futbolchilarmiz azaliy orzu sari yurishini muvaffaqiyat bilan boshlaydi.
Yahyo Ulug‘xo‘jayev
Aslida o‘yindan oldin tahmin qilish odatim yo‘q, biroq bugun urunib ko‘raman. Menimcha jamoamiz ikki taymda ham bittadan gol kiritadi va ortiqcha bosim va qiyinchiliklarsiz o‘rtacha tempda o‘yin o‘tkazadi.
Umid qilamanki, gollarimizdan birini albatta standart vaziyatdan so‘ng kiritamiz. Umuman olganda bu o‘yinda termamizning sarlash uchrashuvlarga qay darajada tayyorgarlik ko‘rganini ko‘rib olish imkoniga egamiz.
Ushbu uchrashuvda terma jamoamizga ishonchli va chiroyli g‘alaba tilab qolaman.
Nizomjon Islomov
Bugungi o‘yinda hamyurtlarimizdan yirik hisobdagi g‘alabani kutyapman. Birinchidan, hujumchimiz hozir optimal formada. Futbolchilarimizda ham ishlar yomon emas.
Shu paytga qadar terma jamoamizda hujumchi muammo bo‘lib kelayotgandi. Ayni damda esa bu muammoga yechim bor. Qolgani Ektor Kuperga bog‘liq. Menimcha, hisob 3:0 bo‘ladi. Bizning foydamizga albatta. Menimcha, raqibning saviyasidan kelib chiqqan holda Ektor Kuper hujumkor taktika tanlasa kerak.
Farxod Shavdillayev
.jpg)
Bugungi saralash uchrashuvida Falastin terma jamoasiga karshi xamyurtlarimiz yakkol fovarit. Tarkibimiz optimal xolatda. Safar uchrashuviga karamasdan, futbolchilarimiz bugungi uchrashuvga tayyor. Mening fikrimcha, bugun futbolchilarimiz 0:2 xisobida zafar kuchishadi.
Abdulxakov Jasur
Bugungi bo‘lib o‘tadigan uchrashuvda himoyamizning pala-partishligi, terma jamoamiz hujumchilarining yuqori sport formasida ekanligini inobatga olib yirik bo‘lmagan hisobdagi g‘alabani kutmoqdaman. Mening tahminim 3-1
Olimxo‘ja Bo‘ronov
Menimcha uchrashuv termamizning katta ustunligida o‘tsa kerak. Bugungi raqibimizdan ortiqcha qarshilik kutmayapman.
Umid qilamanki terma jamoamiz yirik hisobda g‘alaba qozonadi. Shahsan o‘zim Eldor Shomurodovdan gollar kutib qolaman. Bugungi uchrashuvda yigitlarga omad yor bo‘lsin!
