FIFA jahon terma jamoalarining sentyabr oyi uchun reyting jadvalini e’lon qildi. O‘zbekiston terma jamoasi yangi reytingda 4 pog‘ona pastga tushdi.

Terma jamoamiz JCH–2022 saralash bosqichi doirasida Falastinga yutqazib, Iroqqa qarshi o‘rtoqlik o‘yinida durang qayd etishi natijasida 14 ball yo‘qotdi. Natijada O‘zbekiston 84–o‘rindan 88–qatorga tushdi.

Termamiz Osiyo jamoalari orasida 12–o‘ringa tushib ketdi. Ummon va Suriya terma jamoalari yangi reytingda bizni quvib o‘tdi. Osiyo qit’asida Eron (23–o‘rin) birinchi raqamli terma bo‘lib turgan bo‘lsa, Yaponiya (31) va Janubiy Koreya (37) kuchli uchlikka kirgan.

Belgiya terma jamoasi hamon FIFA reytingida karvonboshilik qilmoqda. Fransiya esa bir pog‘ona ko‘tarilib, Braziliyani uchinchi o‘ringa tushirdi.

FIFA reytingi:
1 (–). Belgiya – 1752 ochko
2 (3). Fransiya – 1725
3 (2). Braziliya – 1719
4 (–). Angliya – 1662
5 (6). Portugaliya – 1643
6 (5). Urugvay – 1639
7 (9). Ispaniya – 1631
8 (7). Xorvatiya – 1625
9 (8). Kolumbiya – 1622
10 (–). Argentina – 1614

23 (–). Eron – 1522
31 (2). Yaponiya – 1490
37 (–). Janubiy Koreya – 1470
44 (2). Avstraliya – 1441
62 (–). Qatar – 1377
66 (–1). BAA – 1365
68 (3). Xitoy – 1340
70 (–2). Saudiya Arabistoni – 1336
79 (–2). Iroq – 1314
84 (3). Ummon – 1292
85 (2). Suriya – 1280
88 (–4). O‘zbekiston – 1272