Qozog‘istonning Nur-Sultan shahrida sport kurashlari bo‘yicha jahon chempionati ham o‘z yakuniga yetib bormoqda. Bugun erkin kurash bo‘yicha og‘ir vazn toifalarida saralash bosqichlar, Olimpiada yo‘llanmasini beruvchi va medallar uchun bahslar o‘tkaziladi.
Bugun 3 vazn toifasida saralash bellashuvlari o‘tkaziladi. Ulardan -86 va -97 kg vazn toifalari Olimpiya o‘yinlari dasturiga kiritilgan bo‘lib, diqqat-markazimizda ko‘proq bo‘lishi tabiiy.
-79 kg: Rashid Qurbonov – Jang Vumin (Janubiy Koreya)
-86 kg: Javrail Shapiyev – Aleksandr Gosiyev (Ozarbayjon)
-97 kg: Magomed Ibragimov – Radoslav Baran (Polsha)
Kecha -125 kg vazn toifasining chorak finalida hamyurtimiz Hasanbay Rahimovni mag‘lub etgan turkiyalik Taxa Akgul finalgacha yetib bordi va Rahimovda Olimpiada yo‘llanmasi uchun kurashish imkoniyati saqlab qolindi. Yurtdoshimiz moldovalik Aleksandr Romanovni mag‘lub etsa, Tokio Olimpiadasi yo‘llanmasi va bronza medali uchun kurashish imkoniyatini qo‘lga kiritadi. Ixtiyor Navro‘zov (-70 kg) esa bronza medali uchun o‘tish bosqichida kurashadi. Uning bu yo‘ldagi raqibi Belarus va gruzin vakillari o‘rtasidagi bahsdan so‘ng aniqlanadi.
Olimpiada yo‘llanmasi va bronza medali uchun o‘tish bosqichi:
-125 kg: Hasanboy Rahimov – Aleksandr Romanov (Moldova)
