Xorvatiyalik hujumchi Ante Rebich qo‘pol o‘yini va nomaqbul xatti-harakatlari uchun jazolanadigan bo‘ldi. UYEFA rasmiy saytida aytilishicha, Ante Rebich keyingi beshta uchrashuvda maydonga tusha olmadi.
Bunga sabab sifatida uning Yevropa ligasining pley-off raundida «Strasbur»ga qarshi o‘tkazilgan o‘yindagi qo‘polligi va uchrashuv rasmiylarini haqorat qilgani ko‘rsatilmoqda.
Bundan tashqari, frankfurtliklarning sport direktori Bruno Xyubner UYEFA tizimidagi musobaqalarning ikkita uchrashuvidan chetlashtirildi.
Eslatib o‘tamiz, Ante Rebich ijara asosida «Milan»ga o‘tdi. Italiya klubi esa yevrokubok musobaqalariga chiqa olmadi. Shu sabab xorvatiyalik futbolchi jazo muddatini keyinroq o‘taydi.
Yodingizda bo‘lsa, aynan shu futbolchi Jahon chempionati davom etayotgan bir paytda hamyurtimiz Ravshan Ermatovning hakamliligi borasida tanqidiy fikrlar bildirgan edi. Oldin o‘zingga boq... deb shuni aytsalar kerak.
