Italiya chempionatining 5-turi doirasida «Breshiya» o‘z uyida «Yuventus»ni qabul qildi. Turinliklar so‘nggi o‘yinlarda g‘alaba uchun ancha ter to‘kishiga to‘g‘ri kelmoqda.

Krishtianu Ronaldu jarohat tufayli bu o‘yinda ishtirok eta olmadi. Mezbonlarning 4-daqiqadayoq Alfredo Donnarummaning goli evaziga hisobni ochishga muvaffaq bo‘ldi.

Birinchi bo‘lim tugashiga 5 daqiqa qolganida maydon egalari o‘z darvozasini ishg‘ol qilib qo‘yishdi. Ikkinchi bo‘lim o‘rtalarida esa Pyanich "Yuventus"ga g‘alaba keltiruvchi gol muallifiga aylandi.

Ushbu g‘alabadan keyin "Yuventus" o‘z ochkolarini 13taga yetkazib, vaqtinchalik bo‘lsa-da peshqadamga aylandi. Shu paytgacha yo‘qotishsiz kelayotgan "Inter" bugun "Lasio"ga qarshi tur o‘yinini o‘tkazadi.

Italiya A seriyasi, 5-tur
Breshiya – Yuventus 1:2 (1:1, 0:1)
Gollar: 1:0 – 4 Donnarumma, 1:1 – 40, avtogol Chanselyor, 1:2 – 63 Pyanich.
Breshiya – Yoronen, Sabelli, Chistana, Chanselyor, Mateyu (Martella, 70), Bizoli, Tonali, Dessena, Romulo (Aye, 85), Donnarumma (Matri, 64), Balotelli.
Yuventus – Shchensni, Danilo (Kuadrado, 19), Bonuchchi, de Ligt, Aleks Sandro, Pyanich, Xedira, Rabyo, Remzi (Bernardeski, 69), Dibala (Matyuidi, 80), Iguain.
Ogohlantirishlar: Xedira (7), Bonuchchi (41), de Ligt (56), Chistana (79).