Boks bo‘yicha Rossiyaning Yekaterinburg shahrida o‘tkazilgan jahon chempionatida -57 vazn toifasida bosh sovrinni qo‘lga kiritgan Mirazizbek Mirzahalilovga uy sovg‘a qilindi. Bu haqda GoSport.uz internet-nashri manbalari xabar bermoqda.
Ma’lum bo‘lishicha, Farg‘ona viloyati hokimligi jahon chempionatining oltin medali sohibi bo‘lgan Mirazizbekka Farg‘ona shahrida qad rostlagan yangi xonadonlardan birini sovg‘a qilgan.
Eslatib o‘tamiz, Mirazizbek Mirzahalilov prezidentning 27 sentyabrdagi farmoni bilan “O‘zbekiston iftixori” unvoni bilan taqdirlangandi. Oldinroq esa federasiya tomonidan Chevrolet Tracker avtomobili bilan mukofotlangandi