Ispaniya chempionatining 8-turidan o‘rin olgan “Real Madrid” hamda “Granada” jamoalari o‘rtasidagi o‘yin bo‘lib o‘tdi. Mazkur bahsda maydon egalari 4:2 hisobida g‘alaba qozondi.
Madridliklarning 4-goliga zaxiradan o‘yinga qo‘shilgan Xames mualliflik qildi. Bu kolumbiyalikning “qirollik klubi”ga qaytganidan so‘ng urgan ilk goli bo‘ldi.
Futbolchi so‘nggi bor madridliklar safida 2 yilu 5 oy 29 kun avval gol urgan edi.
O‘shanda ham Xames 2017 yil 6 may kuni, aynan “Granada” darvozasini ishg‘ol qilgan va dublga erishgan edi.
La Ligaga qaytgan “Granada” yana kolumbiyalik futbolchidan gol qabul qilib oldi.
