Испания чемпионатининг 8-туридан ўрин олган “Реал Мадрид” ҳамда “Гранада” жамоалари ўртасидаги ўйин бўлиб ўтди. Мазкур баҳсда майдон эгалари 4:2 ҳисобида ғалаба қозонди.
Мадридликларнинг 4-голига захирадан ўйинга қўшилган Хамес муаллифлик қилди. Бу колумбияликнинг “қироллик клуби”га қайтганидан сўнг урган илк голи бўлди.
Футболчи сўнгги бор мадридликлар сафида 2 йилу 5 ой 29 кун аввал гол урган эди.
Ўшанда ҳам Хамес 2017 йил 6 май куни, айнан “Гранада” дарвозасини ишғол қилган ва дублга эришган эди.
Ла Лигага қайтган “Гранада” яна колумбиялик футболчидан гол қабул қилиб олди.
