Nihoyat, O‘zbekiston terma jamoasi chiroyli o‘yin namoyish qilib, muxlislarga g‘alabani taqdim etdi.

Vadim Abramov o‘yinga tanlagan tarkib va taktika ish berdi. Milliy jamoa safida debyut o‘yinini o‘tkazgan Qodirqulovning goli deysizmi, Shomurodov faqat "Rostov"da emas, terma jamoada ham golli seriyani davom ettirishi mumkinligini isbotlaganini aytasizmi, turli tuman uslubda kiritilgan gollar — bularning barchasi ishqibozlarimizga yoqdi.

Hattoki, Odjil Ahmedovning hisobga olinmagani goli ham o‘yinning chiroyini buzmadi, aksincha, uchrashuvga chiroy bag‘ishlagandek bo‘ldi.

Nima ham derdik, O‘zbekiston endi o‘ziga o‘xshadi. G‘alaba muborak!

JCH-2022 saralash. "D" guruhi, 3-tur
O‘ZBEKISTON - YAMAN - 5:0 (2:0)
Gollar: Sanjar Qodirqulov (2), Eldor Shomurodov (33), Jamshid Iskandarov (53), Islom To‘xtaxo‘jayev (72), Igor Sergeev (90)
O‘zbekiston: 01.Eldor Suyunov, 04.Farruh Sayfiyev (Ikrom Aliboyev 75), 05.Rustam Ashurmatov, 20.Islom To‘xtaxo‘jayev, 03.Hojiakbar Alijonov, 13.Sanjar Qodirqulov, 22.Jamshid Iskanderov (Odil Ahmedov 57), 10.Jaloliddin Masharipov, 07.Otabek Shukurov, 17.Doston Hamdamov, 14.Eldor Shomurodov (Igor Sergeev 79).
Yaman: 22.Salim Sayid (D), 05.Mahdi Alovuddin, 02.Ahmad al-Hamriy, 04.Mudir Abdurobiy (Muhammad Salim 85), 17.Mufid Sarhan, 12.Ahmad Mohir (Essam al-Voraviy 48), 16.Nosir al-Gahvashiy, 11.Abdulvosi al-Matriy, 20.Emad Tavfiq (Muhammad Umar 71), 07.Ahmad as-Saroriy, 09.Umar Abdulloh ad-Dahiy
Hakamlar: Hanna Hattab (Suriya), Muhammad Kazzaz (Suriya), Ayman Fayzal Hamze Obeidat (Iordaniya), Ahmad Alali (Quvayt)
Nazoratchi: Jassim Muhammad Al Hail (Qatar)
Komissar: Mei Chiat Si (Malayziya).