O‘zbekiston terma jamoasi a’zosi Rustam Ashurmatov Yaman terma jamoasiga qarchi o‘yindan so‘ng, o‘z fikrlari bilan o‘rtoqlashdi.

Bugun sizni nihoyat asosiy tarkibda terma jamoa safida ko‘rdik. Ushbu uchrashuv haqida nimalar deya olasiz?

Bu kuni uzoq kutgan edim va orzuyimga yetishdim deb o‘ylayman. Bugun yirik hisobda g‘alaba qozongan bo‘lsakda, o‘yin davomida katta mehnat qilishga to‘g‘ri keldi. Eng asosiysi muxlislarga yoqadigan futbol namoyish etdik.

Bugungi muxlislik qay darajada bo‘ldi?

Bugun muxlislar ajoyib o‘yin atmosferasini hosil qilishdi. Shunday bo‘lsada, keying uchrashuvlarda yana ko‘proq bo‘lib stadionda qo‘llab-quvvatlashlarini istaymiz.

Bugun terma jamoamizda legioner sifatida to‘p surdingiz. Xo‘sh bu omilning ta’siri sezildimi?

To‘g‘risi umuman sezilgani yo‘q. Gap shundaki, siz terma jamoa libosida maydonga tushar ekansiz, klub haqidagi barcha o‘y-hayollarni ortga tashlashingiz va to‘liq e’tiborni o‘yinga qaratishingiz lozim.