«Los-Anjeles Gelaksi» hujumchisi Zlatan Ibrahimovich «Milan»ning hozirgi rahbariyatini tanqid qildi. Eslatib o‘tamiz, shvesiyalik futbolchi 2010 yilda "Barselona"dan "rossoneri" o‘tgan va 2012 yilda "PSJ" bilan shartnoma imzolagan edi.

— O‘sha yillar uchun men uchun haqiqatan o‘ziga xos davr bo‘lgandi. «Barselona»da yo‘qotgan quvonchni bu jamoada qayta topgandim. Men o‘zimni hech qachon «Milan»dagidek kuchli his qilmaganman.

Hozirgi «Milan» — bu fojia. Ular ko‘p gapirishadi, ammo hech narsa qilishmaydi. Bu hammaning muhabbatiga sazovor bo‘lgan klub emas. Balki, jamoada o‘z o‘rniga munosib bo‘lmagan insonlar ko‘pdir.

Paolo Maldini mening sevimli futbolchilarimdan biri bo‘lganiga qaramay, u direktor lavozimi uchun yetarli bilimga ega emas, deb hisoblayman. Adolat uchun aytish kerakki, Maldinining oldida qiyin vazifa turibdi. Boisi, cheklangan mablag‘ bilan vaziyatdan chiqib ketish oson emas", — dedi Ibrahimovich.

Zlatin MLS'ning ushbu mavsumida 29ta o‘yinda maydonga tushib, 30ta gol urdi va 7ta golga uzatma berdi.