“Chelsi” klubi hujumchisi Temmi Abraham “Ayaks”ga qarshi o‘yin oldidan o‘z fikrlari bilan o‘rtoqlashdi.
“Bu biz uchun juda ham muhim o‘yin ekanligini tushunib turibmiz. “Ayaks” ham bizga o‘xshaydi. Ularda ham to‘pni o‘zida ushlab turishni va chiroyli futbol ko‘rsatishni xohlaydigan ko‘plab yosh o‘yinchilar bor. Bundan tashqari ular yo‘qotilgan to‘pni tez o‘zlariga qaytarib olishga ham qodir. Oson bo‘lmaydi, buni bilamiz. Biroq biz o‘zimizga va jamoaga ishonamiz. Kerakli natijaga erisha olishimizga umid qilaman”, -deydi futbolchi.
Eslatib o‘tamiz, “Ayaks”—“Chelsi” uchrashuvi 23-oktabr kuni soat 22:00 da boshlanadi.