"PSJ" hujumchisi Mauro Ikardi parijliklar safidagi faoliyati borasida o‘z fikrlarini bildirib o‘tdi.
"Men – yangi "Matador"? Jamoamizda "Matador" bor — bu Edinson Kavani. Men jamoaga foyda keltirish va nimalarga qodirligimni ko‘rsatish uchun kelganman.
Men Parijda baxtliman. Ko‘ramiz, mavsum yakunida nima bo‘lar ekan", — dedi Ikardi klub rasmiy saytiga bergan intervyusida.
Eslatib o‘tamiz, Ikardi bir yillik ijara asosida "Inter"dan "PSJ"ga o‘tgan. Argentinalik futbolchi ushbu mavsumda Fransiya chempionati doirasida 3ta o‘yinda maydonga tushib, ularda ikkita gol urdi va bitta golga uzatma berdi.