Angliyaning «Liverpul» klubi hujumchisi Sadio Mane jamoasini o‘zgartirish niyati yo‘qligini aytdi.

— Shunday ajoyib klubning bir qismi ekanligimdan xursandman. Doim shu yerda qolishni xohlayman. Juda ko‘plab klublar safida bo‘lganman, lekin «Liverpul» o‘zgacha. Bu yer xuddi bir oila. Muhit a’lo darajada. Biz deyarli 4 yildan beri birgamiz va bir birimizni juda yaxshi tushunamiz. Biz maydon tashqarisida ham inoqmiz, bu ma’naviy tarafdan katta yordam beradi, — dedi Mane.