Англиянинг «Ливерпуль» клуби ҳужумчиси Садио Мане жамоасини ўзгартириш нияти йўқлигини айтди.
— Шундай ажойиб клубнинг бир қисми эканлигимдан хурсандман. Доим шу ерда қолишни хоҳлайман. Жуда кўплаб клублар сафида бўлганман, лекин «Ливерпуль» ўзгача. Бу ер худди бир оила. Муҳит аъло даражада. Биз деярли 4 йилдан бери биргамиз ва бир биримизни жуда яхши тушунамиз. Биз майдон ташқарисида ҳам иноқмиз, бу маънавий тарафдан катта ёрдам беради, — деди Мане.