Hozirda portugaliyalik futbolchining “oltin to‘pniq o‘lga kiritishi haqidagi mish-mishlar ko‘payib ketdi. Mutaxassislar ham ushbu voqeyadan so‘ng, Ronalduning sovrin uchun imkoniyatlari ko‘tarilganini oshganini ma’lum qilishmoqda.
Yaqindagina internet olamida «France Football» nashri jurnalistlarining turiniga kelgani va Ronaldu bilan uchrashgani haqida ma’lumotlar yashin tezligida tarqab ketganidan xabaringiz bor. Ushbu uchrashuvdan so‘ng, «Cariera della sport» nashri Ronalduning «oltin to‘p»ni qo‘lga kiritishi haqidagi xabarlarni tarqatishni boshlab yubordi. Italiya nashrining xabar berishicha, Ronaldu tomonidan «France Football» nashri uchun berilgan intervyu 2-dekabr kuni (Ronalduga «oltin to‘p» sovrinini topshiriladigan kun) omma e’tiboriga taqdim etiladi.
19 yoshga to‘lgan kunim shuni anglab yetdimki, futbol bu raqamlar va sovrinlardan iborat qiziqarli sport turi. Eng kuchli to‘puarga aylanish uchun birinchi navbatda katta iqtidor egasi bo‘lish talab etiladi. Bu siz hech narsaga erishib bo‘lmaydi, biroq mehnatsiz har qanday iqtidor nolga teng! Hech narsa o‘z-o‘zidan osmondan oldingizga tushmaydi. Messi bilan raqobatlashgan davrlarim ikkimiz uchun ham juda foydali yillar bo‘ldi desam, adashmagan bo‘laman. Ispaniya chempionatida ushbu raqobatni har bir uchrashuvda sezganman va bu bosim mening futbolchi sifatida o‘sishdan to‘xtab qolmasligimni ta’minlagan. Mening maqsadim yillar o‘tsada, yosh bo‘lib qolish va iloji boricha uzoqroq yuqori darajada to‘p surish va futbol olamidagi barcha futbolchilar bilan sog‘lom raqobatlashishni istayman.
Ronalduning «France Football» nashriga bergan intervyusidan parcha
Katta ehtimol bilan Italiya pressasi ushbu voqeyadan piar sifatida foydalanmoqda. Fransiyaning «Get French Football» nashrining xababr berishicha, Italiyla OAV ushbu voqeyadan piar sifatida foydalanmoqda. So‘nggi bir hafta davomida ushbu xabar ortidan, «Cariera Della Sport» nashrining o‘quvchilari soni 27 foizga ko‘paygan va bu nashr so‘nggi soniyalarga qadar o‘z xabarining to‘g‘ri ekanligini tasdiqlab turadi.
To‘g‘ri, ushbu voqeyadan so‘ng, Ronalduning g‘oliblik uchun imkoniyatlari ko‘tarilgandek tuyulmoqda, biroq asosiy da’vogar sifatida baribir Virijil van Deyk bo‘lib qoladi. Katta ehtimol bilan ikkinchi o‘rinni Leo Messi qo‘lga kiritishi tahmin qilinmoqda. Kuchli uchlikni esa, Ronaldu yakunlashi kutilmoqda.
Ronaldu bilan bo‘lin o‘tgan voqeya o‘tgan yili Messi bilan ham sodir bo‘lgan edi. O‘tgan yili so‘rovnoma paytida ayrim nashrlar Messining «oltin to‘p»ni qo‘lga kiritishi haqidagi xabarlarni taqdim etgan va deyarli barchani bunga ishontirishga muvaffaq bo‘lgan edi. Shunga qaramay, so‘rovnoma so‘nggida argentinalik futbolchi atigi 5-o‘rin bilangina cheklangan edi.
To‘g‘ri, Ronaldu «France Football» nashri jurnalistlari uchun intervyu bergan, biroq portugaliyalik futbolchi ushni nashrga eng ko‘p intervyu beradigan futbolchilardan biri hisoblanadi.
Har haftada bir bor omma yuzini ko‘ruvchi jurnal har yili o‘rtacha 6 bor Ronaldu bilan suhbatni nashr etadi. Bundan bir yil muqaddam ham Ronaldu so‘rovnomalar oldidan nashrning birinchi betide ko‘rishin bergan edi.
Shu o‘rinda yana bir fakt. Jurnalistlar ortasidagi so‘rovnoma 8-noyabrdagina o‘z yakuniga yetadi. Unga qadar xulosa chiqarishga juda erta. Gap shundaki, so‘rovnomadagi boshqa kasb vakillari o‘z klubida yorqin o‘yin namoyish etmagan Ronalduga ovoz bermasliklari kundek ravshan. Ronalduning shov-shuvga sabab bo‘lgan intervyusi «France Football» nashri tomonidan shu oyning so‘nggi kunlarida omma yuzini ko‘radi va barcha savollarga javob beradi.
«The Best» sovrini uchun jurnalistlar tomonidan o‘tlazilgan so‘rovnomada Virjil Van Deykning g‘alaba qozonganidan xabaringiz bor. Katta ehtimol bilan «oltin to‘p» sovrini uchun so‘rovnomada ham 4-hokimiyat vakillari gollandiyalik futbolchiga ovoz berishadi. Unday xolda, Ronalduning «oltin to‘p» uchun imkoniyatlari nolga teng bo‘ladi. Shunday ekan, Ronalduning «oltin to‘p»ni qo‘lga kiritishi haqidagi barcha ma’lumotlarni chetga surib tashlash va so‘rovnoma yakunlarini kutish lozim.
