"Paxtakor" bosh murabbiyi "Surxon" bilan bahsdan keyin matbuot anjumanida fikrlarini bildirdi.

- Yaxshi o‘yin o‘tkazdik. Ko‘plab hujumlar uyushtirdik va yana 2-3ta yaqqol golli imkoniyatlarga ega bo‘ldik. Raqibning imkon qadar jiddiy qarshilik ko‘rsatganini ayta olaman. Ular oxirigacha taslim bo‘lishmadi. Vaziyatni o‘zgartirishga harakat qilishdi.

Jamoadagi har bir futbolchining mehnatini aytib o‘tgan bo‘lardim. Kimdir gol uradi, kimdir uzatma beradi. Kimdir to‘pni olib qo‘yadi. Masalan, Cheran 30dan ortiq gollarga mualliflik qildi. Masharipov esa golli uzatmalar berishda dahshatli ko‘rsatkich qayd etmoqda. Jamoaning mehnati eng ta’kidlab o‘tsa bo‘ladigan jihatdir.

Jamoani kuchaytirish va yanada raqobatbardosh holatga keltirish ustida izlanamiz. Qaysi chiziqlarni kuchaytirishimiz kerakligi borasida tasavvurga egamiz.

Bugun maydonga tushgan futbolchilardan ko‘nglim to‘ldi. Hozir yosh futbolchilarni sinab olish vaqti. Bugungi maydonga tushirgan yosh futbolchilari o‘zlarini yaxshi tomonlama ko‘rsatishdi.

Sergeev men kelgan birinchi yilda ham to‘purarlik qobiliyatini ko‘rsatgandi. U qanday gol urishni yaxshi biladi. Qiyinchilikka duch kelgan paytda klub, jamoa va muxlislar uni qo‘llab-quvvatlashdi. Harakatchan, mehnatkash, ishtiyoqi bor insonlarni qo‘llash kerak.