"Пахтакор" бош мураббийи "Сурхон" билан баҳсдан кейин матбуот анжуманида фикрларини билдирди.

- Яхши ўйин ўтказдик. Кўплаб ҳужумлар уюштирдик ва яна 2-3та яққол голли имкониятларга эга бўлдик. Рақибнинг имкон қадар жиддий қаршилик кўрсатганини айта оламан. Улар охиригача таслим бўлишмади. Вазиятни ўзгартиришга ҳаракат қилишди.

Жамоадаги ҳар бир футболчининг меҳнатини айтиб ўтган бўлардим. Кимдир гол уради, кимдир узатма беради. Кимдир тўпни олиб қўяди. Масалан, Черан 30дан ортиқ голларга муаллифлик қилди. Машарипов эса голли узатмалар беришда даҳшатли кўрсаткич қайд этмоқда. Жамоанинг меҳнати энг таъкидлаб ўтса бўладиган жиҳатдир.

Жамоани кучайтириш ва янада рақобатбардош ҳолатга келтириш устида изланамиз. Қайси чизиқларни кучайтиришимиз кераклиги борасида тасаввурга эгамиз.

Бугун майдонга тушган футболчилардан кўнглим тўлди. Ҳозир ёш футболчиларни синаб олиш вақти. Бугунги майдонга туширган ёш футболчилари ўзларини яхши томонлама кўрсатишди.

Сергеев мен келган биринчи йилда ҳам тўпурарлик қобилиятини кўрсатганди. У қандай гол уришни яхши билади. Қийинчиликка дуч келган пайтда клуб, жамоа ва мухлислар уни қўллаб-қувватлашди. Ҳаракатчан, меҳнаткаш, иштиёқи бор инсонларни қўллаш керак.