Turinning «Yuventus» klubi yarim himoyachisi Miralem Pyanich uni jamoada barcha narsa qoniqtirayotgani haqida gapirib o‘tdi.
Avvalroq, futbolchiga Angliyaning «Manchester Yunayted» klubi qiziqish bildirayotgan haqida xabarlar yangragandi.
— Men 4 yildan beri shu yerdaman va bu yerda meni barcha narsa qoniqtirmoqda. “Yuventus” menga yoqadigan fantastik klub va men bu yerda baxtliman.
Jamoaning uzoq yillik futbolchilaridan biriman. O‘zimni «Yuve» uchun muhim futbolchi sifatida his qilyapman. Chempionlar Ligasini qo‘lga kiritish uchun asosiy nomzodlardan biri sifatida qaraladigan bu klub tarkibida o‘z oldimga yangi maqsadlarni qo‘ymoqdaman, — dedi Pyanich.
