Туриннинг «Ювентус» клуби ярим ҳимоячиси Миралем Пьянич уни жамоада барча нарса қониқтираётгани ҳақида гапириб ўтди.
Аввалроқ, футболчига Англиянинг «Манчестер Юнайтед» клуби қизиқиш билдираётган ҳақида хабарлар янграганди.
— Мен 4 йилдан бери шу ердаман ва бу ерда мени барча нарса қониқтирмоқда. “Ювентус” менга ёқадиган фантастик клуб ва мен бу ерда бахтлиман.
Жамоанинг узоқ йиллик футболчиларидан бириман. Ўзимни «Юве» учун муҳим футболчи сифатида ҳис қиляпман. Чемпионлар Лигасини қўлга киритиш учун асосий номзодлардан бири сифатида қараладиган бу клуб таркибида ўз олдимга янги мақсадларни қўймоқдаман, — деди Пьянич.
