«Manchester Siti» bosh murabbiyi Pep Gvardiola «Liverpul»ning so‘nggi daqiqalarda Sadio Mane tomonidan urilgan gollar evaziga g‘alaba qozonayotgani haqida fikr bildirdi.

«So‘nggi ikki yilda bunday holat «Liverpul» bunday g‘alabaga ko‘p erishmoqda. Mane alohida iqtidorda ega bo‘lgani uchun shunday bo‘lmoqda. U ba’zida "sho‘ng‘iydi", ba’zida o‘yin so‘ngida aqlbovar qilmas gol uradi. U — talant.

Bunday holat bir yoki ikki marta ro‘y bersa, "omadimiz keldi", deb gapirish mumkin. Ammo so‘nggi yillarda bunday holat ko‘p takrorlandi. Shuning uchun, nazarimda, ularda o‘ziga xos xarakter mavjud.

Biz g‘alaba qozondik, ammo «Liverpul» ham 3 ochkoni qo‘lga kiritdi. Ular so‘nggi daqiqalarda buncha o‘yinlarda g‘alaba qozonar ekan, ular o‘ziga xos xarakterga egaligidan darak beradi. «Man Siti» 100 ochko bilan chempionatda g‘olib chiqqanida, biz so‘nggi daqiqalarda gol urib, 5ta o‘yindan 4tasida g‘alaba qozongan edik», – dedi Gvardiola.