Fransiyaning «Lion» klubi bosh murabbiyi Rudi Garsiya YECHL doirasida «Benfika» klubiga qarshi bo‘ladigan uchrashuv haqidagi fikrlari bilan o‘rtoqlashdi.
— G‘alaba qozonish uchun bor kuchimizni ishga solamiz. Guruhdagi yuqori o‘rinlardan birini egallashimiz shart. YECHLdagi bahslar juda qiyin. Biz «Benfika»ning bir qator uchrashuvlarini tomosha qildik va yetarlicha ma’lumotga ega bo‘ldik. Biz vaziyatga butun jamoa bo‘lib ijobiy yondoshishimiz kerak. Ushbu bahs bizning YECHLdagi taqdirimizga oydinlik kiritadi. Himoya — butun jamoaning ishi. Ba’zan o‘tish bosqichlarida ozgina qoqilyapmiz. Himoyalanayotganimizda barchamiz himoyada yaxshi o‘ynashimiz kerak, — dedi Garsiya UEFA saytiga.