Франциянинг «Лион» клуби бош мураббийи Руди Гарсия ЕЧЛ доирасида «Бенфика» клубига қарши бўладиган учрашув ҳақидаги фикрлари билан ўртоқлашди.
— Ғалаба қозониш учун бор кучимизни ишга соламиз. Гуруҳдаги юқори ўринлардан бирини эгаллашимиз шарт. ЕЧЛдаги баҳслар жуда қийин. Биз «Бенфика»нинг бир қатор учрашувларини томоша қилдик ва етарлича маълумотга эга бўлдик. Биз вазиятга бутун жамоа бўлиб ижобий ёндошишимиз керак. Ушбу баҳс бизнинг ЕЧЛдаги тақдиримизга ойдинлик киритади. Ҳимоя — бутун жамоанинг иши. Баъзан ўтиш босқичларида озгина қоқиляпмиз. Ҳимояланаётганимизда барчамиз ҳимояда яхши ўйнашимиз керак, — деди Гарсия УЕФА сайтига.