Italiyaning «Napoli» klubi prezidenti Aurelio De Laurentis jamoaning so‘nggi o‘yinlardagi natijalaridan ranjidi.
“Napoli” so‘nggi uchta uchrashuvda g‘alaba qozona olmadi. Shu sababli, klub prezidenti De Laurentis futbolchilarni haftaning oxiriga qadar klub bazasidan chiqmasligini talab qilib, ularni qamab qo‘ydi. Uning aytishicha, bu futbolchilarga jazo emas, shunchaki futbolchilar bir birlarini yaxshiroq bilishlari uchun imkoniyat ekan.
«Napoli» bosh murabbiyi Karlo Anchelotti esa prezidentning bu ishidan norozi bo‘ldi.
— Siz rozi bo‘lishingiz ham, rozi bo‘lmasligingiz ham mumkin.Agar mendan bu borasida qanday fikrda ekanligimni bilmoqchi bo‘lsangiz, u holda aytaman: bu qarorga men rozi emasman. Biroq, murabbiy murabbiyligicha qolish kerak. Bu klub rahbariyati qabul qiladigan qaror. Menga prezident qo‘ng‘iroq qildi va omad tiladi. Klub prezidenti qabul qilgan qaror o‘zgarmadi. U ham jamoaning natijalariga biz kabi jon kuydiradi, — dedi Anchelotti.
Ushbu haftada «Napoli» YECHL doirasida «Zalsburg» klubiga qarshi o‘ynaydi. Shuningdek, «Jenoa» klubiga qarshi A Seriya doirasida bahs olib boradi.