Yevropa ligasining 4-turidan o‘rin olgan dastlabki o‘yin bugun bo‘lib o‘tdi. "F" guruhida 100 foizlik natija ko‘rsatib kelayotgan «Arsenal» safarda autsayder «Vitoriya Gimaraesh»ga qarshi to‘qnash keldi.

Unai Emeri mazkur o‘yinda ko‘proq yoshlarga ishonch bildirgan bo‘lsa, mezbonlar esa bundan foydalanishga harakat qilishdi. Portugaliyaliklar birinchi bo‘limda 4ta xavfli vaziyat yaratdik, faqat omad tufayli ular raqib darvozasini ishg‘ol eta olishmadi. Ayniqsa, bir vaziyatda to‘p "kanonirlar" darvozasi to‘siniga tegib qaytdi.

O‘yin tugashiga 9 daqiqa qolganida "Arsenal" jarima zarbasini amalga oshirdi va o‘zining bahsdagi yagona imkoniyatini golga aylantirdi. Uchrashuvga qo‘shib berilgan birinchi daqiqada esa Bruno Duarte  darvozabon maydoni chizig‘i ustida chalqancha uslubda zarba berib, hisobni tenglashtirdi.

Mazkur durang tufayli "Arsenal" 10 ochko bilan guruh peshqadamligini o‘zida saqlab qoladi. "Vitoriya" esa guruhdagi ilk ochkosini qo‘lga kiritdi.

Yevropa ligasi, "F" guruhi, 4-tur
Vitoriya Gimaraesh Portugaliya – Arsenal Angliya 1:1 (0:0, 1:1)
Gollar: 0:1 – 80 Mustafi, 1:1 – 90+1 Bruno Duarte.
Vitoriya Gimaraesh – Duglas Jezus, Rafa Soaresh, Venansiu, Garsiya, Tapsoba, Evanjelista (Leo Bonatini, 82), Pedru Rodrigesh (Poa, 61), Edvards, Agu, Davidson (Roshinya, 68), Bruno Duarte.
Arsenal – Martines, Mustafi, Papastatopulos, Tirni, Meytlend-Naylz, Martinelli, Sebalyos (Genduzi, 54), Pepe, Uillok (Torreyra, 78), Xolding, Saka (Lyakazett, 65).
Ogohlantirishlar: Mustafi (18), Rafa Soaresh (33), Xolding (66).