Европа лигасининг 4-туридан ўрин олган дастлабки ўйин бугун бўлиб ўтди. "F" гуруҳида 100 фоизлик натижа кўрсатиб келаётган «Арсенал» сафарда аутсайдер «Витория Гимараэш»га қарши тўқнаш келди.

Унаи Эмери мазкур ўйинда кўпроқ ёшларга ишонч билдирган бўлса, мезбонлар эса бундан фойдаланишга ҳаракат қилишди. Португалияликлар биринчи бўлимда 4та хавфли вазият яратдик, фақат омад туфайли улар рақиб дарвозасини ишғол эта олишмади. Айниқса, бир вазиятда тўп "канонирлар" дарвозаси тўсинига тегиб қайтди.

Ўйин тугашига 9 дақиқа қолганида "Арсенал" жарима зарбасини амалга оширди ва ўзининг баҳсдаги ягона имкониятини голга айлантирди. Учрашувга қўшиб берилган биринчи дақиқада эса Бруно Дуарте  дарвозабон майдони чизиғи устида чалқанча услубда зарба бериб, ҳисобни тенглаштирди.

Мазкур дуранг туфайли "Арсенал" 10 очко билан гуруҳ пешқадамлигини ўзида сақлаб қолади. "Витория" эса гуруҳдаги илк очкосини қўлга киритди.

Европа лигаси, "F" гуруҳи, 4-тур
Витория Гимараэш Португалия – Арсенал Англия 1:1 (0:0, 1:1)
Голлар: 0:1 – 80 Мустафи, 1:1 – 90+1 Бруно Дуарте.
Витория Гимараэш – Дуглас Жезус, Рафа Соареш, Венансиу, Гарсия, Тапсоба, Эванжелиста (Лео Бонатини, 82), Педру Родригеш (Поа, 61), Эдвардс, Агу, Давидсон (Рошинья, 68), Бруно Дуарте.
Арсенал – Мартинес, Мустафи, Папастатопулос, Тирни, Мэйтленд-Найлз, Мартинелли, Себальос (Гендузи, 54), Пепе, Уиллок (Торрейра, 78), Холдинг, Сака (Ляказетт, 65).
Огоҳлантиришлар: Мустафи (18), Рафа Соареш (33), Холдинг (66).